Basa Kohin

Basa Kohin marupakan sabuting dialek basa Dayak nang dipakai di 10 kampung di danul utara wan tangah dairah aliran sungai Seruyan (anak sungai) di dairah Kabupatin Seruyan, Kalimantan Tengah, Indunisia. Basa ngini baisi kasaamaan kata lawan basa Ot Danum (60%-65%) wan basa Ngaju (50%-69%).^[1] Ujar Cilik Riwut, suku Dayak nang mangganai di Seruyan Tengah marupakan suku Dayak Seruyan nang marupakan anak suku bangsa Dayak Ngaju nang basanya disebut basa Kohin. Sampai wahini Kohin masih dipakai gasan bapandiran ulih masyarakat.^[2]

Basa ngini jua bapungsi sawagai rasa seni, kawa diitihi lawan adanya sapalih sastra pandir khas basa Kohin, nang kaya ngungut wan jaya (sajanis mantra). Imbahnya, Poerwadi manyambat bahwa basa Kohin marupakan vernacular nang baisi fungsi kamasyarakatan sawagai basa group (gi), marupakan basa kalas VI, wan kada baisi tradisi tulisan (WO). Ujar habar masarakat, pamandir basa Kohin sacara kuantitas manyusut matan tahun ka tahun wan pungsi kamasyarakatannya jua manyusut maraga digeser ulih basa Banjar wan basa Ngaju.^[2]

Dialek

Basa Kohin baisi tiga dialek yaitu:

Kohin dialek Kabahan (Kohin Kabahan) nang tadapat di dairah Bangkal
Kohin dialek Benteng Kiham (Kohin Benteng Kiham) nang tadapat di dairah Rantau Pulut wan sakulilingnya
Kohin dialek Inyo (Kohin Inyo) nang tadapat di dairah Hulu Danum.^[2]

Jujuhutan

↑ Ethnologue - Kohin language
1 2 3 Poerwadi, P., Iper, D., & Purwaka, A. (2003). Morfologi bahasa Seruyan. Pusat Bahasa Departemen Pendidikan Nasional. ISO 690

[1] Ethnologue - Kohin language

[:0-2] 1 2 3 Poerwadi, P., Iper, D., & Purwaka, A. (2003). Morfologi bahasa Seruyan. Pusat Bahasa Departemen Pendidikan Nasional. ISO 690

[1]

[2]