Banyu Tajun Tumpang Dua
Banyu Tajun Tumpang Dua yaitu sabuting banyu tajun nang baandak di Kabupatin Kotabaru, Prupinsi Kalimantan Selatan, Indunisia. Banyu tajun ngini dingarani Tumpang Dua maraga alirannya nang babantuk turunan nangkaya anak tangga. Kada nangkaya kabanyakan banyu tajun nang baisi kawasan tinggi, aliran banyunya landas ka tanah nang landai.[1]
Banyu tajun ngini andakannya di kampung Sebelimbingan, kacamatan Pulau Laut Utara, lawan jarak tampuh labih kurang 15 sampai 25 menit matan indung banua Kabupatin Kotabaru wan nyaman dilalui pakai sapida mutur.[2] Jalan ka banyu tajun ngini kawa maliwati babarapa jalur, mulai matan Jalan Kotabaru-Tanjung Serdang imbah itu maliwati kampung Stagen ampah ka Politeknik Kotabaru tuju ka Gunung Sari imbah itu ka kampung Sebelimbingan.[3]
Jujuhutan
[babak | babak asal-mulanya]- ↑ "Air Terjun Tumpang Dua, Wisata Main Air di Kotabaru yang Sejuk dan Asyik". kompas.com. 23 Desember 2023. Diakses tanggal 28 Februari 2025.
- ↑ Herliansyah (2025-02-09). "Serunya Berwisata di Air Terjun Tumpang Dua Kotabaru : Suasana Rindang dan Segar". Kalimantan Live (dalam bahasa Indonesia). Diakses tanggal 2025-03-09.
- ↑ "Wisata Kalsel: Akses Mudah, Ini Fasilitas dan Jadwal Buka Wisata Air Terjun Tumpang Dua Kotabaru". Banjarmasinpost.co.id (dalam bahasa Indonesia). Diakses tanggal 2025-03-09.