Banjar TV

Tumatan Wikipidia Banjar, kindai pangatahuan
Loncat ke navigasi Loncat ke pencarian

Citakan:Infobox TV channel

Kantor pusat Banjar TV.

Banjar TV adalah saluran tipi swasta lukal partama di Kalimantan Selatan. Stasiun televisi ngini marupakan angguta jaringan City TV Network.

Banjar TV dirasmiakan pada tanggal 14 Agustus 2007. Tagal gagasan awal gasan mandiriakan stasiun tipi sudah ada mulai dua tahun sabalumnya. Alasan nang kuat handak mandiriakan stasiun tipi lukal di Banjarmasin ulihnya marasa tatantang malihat parkambangan stasiun tipi lukal di kuta-kuta lain, cuntuhnya haja pas wayah ngitu badiri sudah tipi di Kalimantan Tengah.

Tabantuknya Banjar TV wan iksistinsinya sampai wayahini sabagai tipi lukal di Banjarmasin kada lapas matan paran para panggagas nang sampai wayahini jua masih umpat bakacimpung dibalik layar gasan mambawa Banjar TV manjadi tabaik lagi. Adapun panggagas ngitu yaitu Dristi Adistana (pemilik), Jhonson Marzuki, Cristian Hermanto, Kamarul Hidayat, Djaya Salim. Buhuannya sabarataan adalah urang-urang nang suah tajun di dunia panyiaran radiu. Hal ngini tantu sangaja dipilih gasan manyamanakan badirinya stasiun tipi, ulihnya saikitnya buhuannya nang baisi pangalaman di dunia penyiaran. Sabalum handak mandiriakan Banjar TV, Dristi Adistana bujur suah marintis wan mangalula di bidang panyiaran radiu nang tasibar di Kalimantan Selatan, antara lain Kanal 2 FM, Radio 'D' FM, Dirgahayu FM, Mitra Barito FM, Pakuba FM, Swana FM, dan Swara Balangan FM.

Pada tahun 2004, Dristi Adistana sudah baisi stasiun pamancar nang disiwaakan kapada stasiun tipi nasiunal wan upiratur salular nang kaya antv, Trans7, Trans TV, Barito Channel, wan Esia. Sahingga hal ngini labih mamantapakan gasan kawa mendiriakan stasiun tipi lukal di Banjarmasin.

Bulan Juni 2007 Banjar TV sudah mulai maudara tagal dalam bantuk colorbar haja. Dua bulan kamudian siaran sudah mulai diisi lawan tayangan video klip musik. Pada bulan Agustus 2007 itu jua partama kali pruduksi acara barita nang bajudul Selintas Info (kaya Breaking News) nang akhirnya bakembang jadi Lintas Banua sampai wayahini.

Lawan paluncuran Banjar TV pada tanggal 14 Agustus 2007, maka Banjar TV rasmi sudah sabagai stasiun tipi lukal partama di Banjarmasin.

Prugram[babak | babak asal-mulanya]

Barita[babak | babak asal-mulanya]

  • Lintas Banua Pagi
  • Lintas Banua Malam
  • Lintas Banua Sepekan
  • Selintas Info Harian
  • Selintas Info Sepekan
  • Berita Olah Raga
  • Mutiara Kehidupan
  • Pojok Papayu
  • Habar Paling Hanyar
  • Habar Diyang Wan Utuh

Balulucuan[babak | babak asal-mulanya]

Kemos[babak | babak asal-mulanya]

Ramaja[babak | babak asal-mulanya]

  • High School Musical 3 Senior Year

Pruduksi[babak | babak asal-mulanya]

  • Kul-Kul Sik (Kuliner-Kuliner Asik)
  • Napa Jar Buhannya
  • Lagu Unda
  • Inspirasi Bunda
  • Kolang Kaling
  • Buncu Banua
  • Dari Masjid ke Masjid
  • Bunga Rampai Dakwah
  • Sahibar Habar