Bandira Iran

Bandira Iran diparkanalakan wayah 29 Juli 1980 sawagai parlambang parubahan Iran jadi ripublik islam imbah Revolusi Islam Iran. Latar bandira iya talu kalir lawan garis hijau, putih, wan habang tumatan atas ka bawah. Bandira Iran sabalumnya baisi kalir nang balainan, inya ada gambar singa wan matahari.^[1]

Deskripsi

Lambang

Manurut konstitusi 1980 imbah Revolusi Islam Iran, parlemen Iran mangganti lambang Singa wan Matahari lawan lambang habang di tangah Bandira. Lambang nang dirancang lawan Hamid Nadimi wan akur rasmi lawan parlemen wan Ayatullah Khomeini ngini takambuh matan bamacam unsur Islam: ampat bulan sabit wan salambar padang mambantuk monogram Allah nang babacaan sahadat: lā ʾilāha ʾillà l-Lāh (Kadada Tuhan Salain Allah).^[2] matan kanan ka kiwa, sabit pamulaan mambantuk huruf alif, sabit kadua mambantuk huruf lam pamulaan, bilah pedang mambantuk huruflam pamulaan, wan sabit katalu wan kaampat mambantuk huruf ha. Ada jua tasididid di atas bilah padang nang lam'entuk huruf W. Sabarataan unsur di lambang ngini dirancang gasan mahirip ka kambang tulip gasan mangganang urang-urang nang mati gasan Iran wan malambangakan patriotisme, sasuai lawan kisah bahari nang manyambat bahwa kambang tulip habang pacangan tumbuh matan darah martir.

Aksara Kufi

Bacaan takbir (Allahu Akbar) ditulis dalam huruf kufi 22 kali di higa garis hijau wan habang. Ini parlambang panggilan takbir di malam 22 Bahman (11 Pibruari 1979) nang jadi parlambang parubahan Iran jadi republik Islam. Malam nitu, radiu nasiunal Iran manyiarakan: "Matan Teheran, suara Ripublik Islam Iran". Bacaan takbir ngini maulah Bandira Iran kada kawa dibalik sambarangan.

Kalir

Hijau

Dalam budaya Iran, kalir hijau parlambang partumbuhan, kabahagiaan, parsatuan, alam, sumangat, wan Urang Parsia. Sapanjang sajarah, urang Parsia mamakai Bandira sagitalu kalir hijau wan putih. Imbah Koresh Agung matan Parsia manaklukakan kainya, Astyages matan Medes (Meda) wan manunggulkan tanah Parsia wan Medes, inya maulah Bandira hanyar nang bakalir hijau, putih, wan habang, gasan Bandira Iran di masa nang dihadap. Kalir hijau juwa dianggap malambangakan Islam, agama nang dianut lawan kabanyakan urang Iran.

Putih

Kalir putih parlambang damai.

Habang

Kalir habang iya dianggap tanda syahid. Dalam budaya Iran, kalir ngini parlambang wani, api, hidup, cinta, panas, wan kacanggihan. Sapanjang sajarah, bangsa Medes mamakai Bandira sagitalu bakalir habang wan putih.

Jujuhutan

↑ Najmabadi, Afsaneh (2005). Women with mustaches and men without beards : gender and sexual anxieties of Iranian modernity. Berkeley. ISBN 978-0-520-93138-1. OCLC 60931583.
↑ The Islamic Republic of Iran. Routledge. 2014-09-25. hlm. 206–218. ISBN 978-1-315-75487-1.

[1] Najmabadi, Afsaneh (2005). Women with mustaches and men without beards : gender and sexual anxieties of Iranian modernity. Berkeley. ISBN 978-0-520-93138-1. OCLC 60931583.

[2] The Islamic Republic of Iran. Routledge. 2014-09-25. hlm. 206–218. ISBN 978-1-315-75487-1.

[1]

[2]