Balai Adat Dayak Maanyan
Balai Adat Dayak Maanyan Warukin adalah pusat kabudayaan wan simbul urang Dayak Maanyan nang baandakan di kampung Warukin, Kacamatan Tanta, Kabupatin Tabalong, Kalimantan Salatan. Balai Adat Dayak Maanyan Warukin andakannya pas di higa jalan Panghulu Sugeng nang jaraknya kikira 13 km matan Tugu Tanjung Puri.[1]
Bangunan Balai Adat Dayak Maanyan Warukin baisi arsitektur tradisional nang tagasnya bapanggung nang dibangun permanin wayah tahun 1997 nang mamakai kayu ulin sawagai bahan utama konstruksi.[2] Di sisi kanan lawang masuk ada tawing nang balukisan mural nang mangisahakan tokoh legenda Naworaha,[3] lawan juwa sajarah singkat Desa Warukin duwa urang Dayak Maanyan, nang bapungsi gasan hihiasan salajur bahan balajar gasan nang anum sakira mamahami asal-usul duwa sajarah banua saurang.[4]
Di tungkaran muka balai adat, ada badiri Patung Baluntang, sabuting patung nang tagasnya tihang nang diulah matan kayu ulin sawagai tanda bahuwa di sia suah digawi ritual aruh adat.[1]
Jujuhutan
[babak | babak asal-mulanya]- 1 2 Usman, Donny (23 April 2022). "Balai Adat Dayak Ma'anyan Desa Warukin Tabalong, Spot Foto dengan Unsur Budaya Khas". Banjarmasinpost.co.id (dalam bahasa Indonesia). Diakses tanggal 2025-07-06.
- ↑ Usman, Donny (22 Juni 2021). "Wisata Kalsel, Balai Adat Dayak Desa Warukin di Kabupaten Tabalong". Banjarmasinpost.co.id (dalam bahasa Indonesia). Diakses tanggal 2025-07-06.
- ↑ Hidayatullah, M Irfan (28 Maret 2018). "Beautifikasi Desa Warukin, Propan Berikan Pelatihan Pengecatan Dasar". news.propanraya.com. Diakses tanggal 2025-09-06.
- ↑ Usman, Donny (22 Juni 2021). "Wisata Kalsel, Lukisan Tentang Sejarah Desa Warukin di Balai Adat Maanyan Tabalong". Banjarmasinpost.co.id (dalam bahasa Indonesia). Diakses tanggal 2025-07-06.