Bakas Gudang Gatah Maclaine
![Bekas Gudang Karet Maclaine di [[Sungai Tabuk Keramat, Sungai Tabuk, Banjar]], [[Sungai Tabuk, Banjar]], [[Kabupaten Banjar]]](https://id.wikipedia.org/wiki/Berkas:Bekas%20Gudang%20Karet%20Maclaine%20002.jpg)
Bakas Gudang Gatah Maclaine adalah situs cagar budaya nang baandak di Kacamatan Sungai Tabuk, Kabupatin Banjar, Parupinsi Kalimantan Salatan, Indunisia. Bangunan ngini marupakan bakas pabrik pangulahan gatah imbah pas jaman panjajahan Walanda nang baharinya dipakai gasan gudang wan jalur pambagian gatah malalui palabuhan di Sungai Martapura.[1]
Panatapan Cagar Budaya
[babak | babak asal-mulanya]Bangunan ngini diputusakan jadi cagar budaya manurut Surat Kaputusan Bupati Numur 211 Tahun 2014, nang dikaluarakan tanggal 27 Januari 2014. Dalam SK ngitu, Bakas Gudang Gatah Maclaine dimasukakan ka dalam Cagar Budaya Tingkat Kabupatin/Kuta janis Bangunan.[2]
Sajarah
[babak | babak asal-mulanya]Bakas Gudang Gatah Maclaine baandak di Kampung Sungai Tabuk Keramat, pasnya di halaman SMP Negeri 1 Sungai Tabuk. Situs ngini ditamuakan imbah Dinas Kebudayaan Kepemudaan Olahraga dan Pariwisata (Disbudporapar) Kabupatin Banjar didanii Balai Arkeologi Banjarmasin gasan mampiripikasi tampat wan mangkaji lapangan.
Hasil panalitian manunjukakan bahwa pas jaman panjajahan, di tampat ngini suah ada pabrik wan gudang gatah ampun parusahaan Walanda bangaran NV Nederlandsche Rubber Unie. Pabrik ngitu diulah pas tahun 1927, kawa mangulah kira-kira 7.500 ton gatah par tahun, wan bagawian sampai Perang Dunia II.
Salain pabrik gatah, di kawasan ngitu jua suah ada pabrik ubat, panyamakan kulit, wan pabrik ubin lantai.[3]
Panghancuran
[babak | babak asal-mulanya]Pas tantara Japang ka Kalimantan Salatan sakitar tahun 1942–1943, pabrik ngini sangaja dihancurakan Walanda supaya kada diambil wan dipakai musuh gasan manyimpanan sanjata paparangan. Japang wayah itu liwar parlunya wan gatah gasan mandukung parlangkapan militir, nang utamanya gasan kandaraan tampur.[3]
Kaadaan Wayah Ini
[babak | babak asal-mulanya]Bakas Gudang Gatah Maclaine wayah ini cuma tasisa pundasi bangunan. Tampat Bakas Gudang Gatah Maclaine ngini masih dijaga wan dirawat. Tim Ahli Cagar Budaya Kabupatin Banjar sudah manyaranakan supaya tampat ngini ditatapakan jadi cagar budaya gasan manjamin palastarian wan nilai sajarahnya.[3]
Jujuhutan
[babak | babak asal-mulanya]- ↑ "Cagar Budaya | Dinas Kebudayaan dan Pariwisata". simdapokbud.banjarkab.go.id (dalam bahasa Inggris). Diakses tanggal 2025-04-05.
- ↑ "Cagar Budaya". budaya-data.kemdikbud.go.id (dalam bahasa Inggris). Diarsipkan dari versi asli tanggal 2025-02-03. Diakses tanggal 2025-04-05.
- 1 2 3 Syarifuddin, M. "Pabrik Karet di Sungai Tabuk, Dihancurkan Jelang Perang Dunia II - Radar Banjarmasin". Pabrik Karet di Sungai Tabuk, Dihancurkan Jelang Perang Dunia II - Radar Banjarmasin (dalam bahasa Indonesia). Diakses tanggal 2025-04-05.