Bagarakan saur
Bagarakan saur ialah bantuk aktipitas sakalumpuk urang kampung matan kakanakan, lalakian anum, sampai uma-uma kaluar rumah babaris wan bakaliling saban kampung yang dilalui[1] sasambilan mambawa butul papaci, wasi, paring, alat-alat dapur, kaya panci nang kaya alat parkusi misal drum[2], lalu dicatuk jadi bunyi-bunyian, manciptakan irama khas nang manggama di sakulilingan[3], lawan bajalan batis sabalum dipakai gasan bamamasak hidangan basahur. Tujuan panambaiannya, manggarak umat Muslim gasan makan sahur.[4]
Wahini, urang-urang mamakai pangaras suara matan masigit wan langgar gasan manggarak bubuhannya. Imbahnya, ada jua nang mamakai pangaras suara gasan manyitil lagu-lagu riligi gasan urang-urang tabangun.[5] Tatabuhan nang kaya tarbang, babun, suling, badug, wan kanung kawa dipakai gasan alat musik ngitu.[6] Baju nang dipakai saadanya, jua sarung dililimpangakan haja di bahu.[7] Bagarakan Saur ngini gasan jadi ajang maikat silaturahmi, jua manjaga kakayaan budaya tatap hidup matan wahini sampai satarusnya.[8]
Sajarah Bagarakan Saur
[babak | babak asal-mulanya]Aktipitas kaini digawi di Kalimantan Selatan wan Kalimantan Timur, nang bangun wayah tangah malam salawas bulan Ramadan. Kadada catatan nang manyambatakan panambaian digawinya bagarakan ngini. Tradisi ngini ujar hudah ada matan cungulnya Islam di tanah Banjar[9], ujar nang lain hudah ada pas Kasultanan Banjar abat ka-16.[10] Urang-urang disa patuh lawan badadamaran atawa malikit lampu matan gatah kayu damar bahari. Lampu-lampu suluh rancaknya diandak di tungkaran rumah wan di higa-higa kartak matan malam salikur sampai parak Hari Raya Pitrah. Bagarakan saur ngini hudah lawas balangsung turun-tamurun.[11]
Di Samarinda, Kalimantan Timur, bagarakan saur dijuhut matan tradisi nang sama lawan masarakat Banjar di Kalimantan Selatan. Budaya lukal Banjar dasar liwar barikit di Samarinda maingat matan abat ka-15 Samarinda nang palihan matan wilayah Karajaan Kutai Kartanagara tamasuk vasal (dairah kakuasaan) matan Karajaan Banjar. Bubuhan sakalumpuk Muslim di Samarinda manggawi bagarakan saur lawan mambawa bamamacam pakakas.[12]
Wayah abat ka-20, hudah cungul pakakas-pakakas mudirin nang kaya piring sing, balik, susudu, palangan kaca, salain bilah paring tradisiunal. Wayah pamulaan abat ka-21, ada galun banyu 19 litar nang dipakai. Pakakas ngitu dibawa ulih saban sakalumpuk di masing-masing kampung. Paumpat Bagarakan Saur di Samarinda, kada lawas matan suku Banjar, tagal jua matan suku-suku lainnya.[12]
Jujuhutan
[babak | babak asal-mulanya]- ↑ "Tradisi Beduk Sahur di Bulan Ramadhan - Aswata Asuransi Terpercaya". www.aswata.co.id. Diakses tanggal 2026-02-19.
- ↑ "Begarakan Sahur Terakhir di Pekapuran B Banjarmasin: Tradisi Meriah di Dini Hari". bomindonesia.com (dalam bahasa Indonesia). 2025-03-29. Diakses tanggal 2026-02-19.
- ↑ "Tradisi Bagarakan Sahur di Balangan Bergeser, dari Tabuhan Manual ke Pengeras Suara". Pojok Banua. 2025-03-13. Diakses tanggal 2026-02-19.
- ↑ Herlambang, Cornelius Helmy (2025-03-01). "Ramadhan Tiba, Berbagai Tradisi Sahur Kembali Semarak Dirayakan". Kompas.id (dalam bahasa Indonesia). Diakses tanggal 2026-02-19.
- ↑ Khaeron, Riza Aslam (2025-03-05). "Sejarah Al-Musaharati, Tradisi Umat Muslim Membangunkan Sahur Saat Ramadan". Metro TV. Diakses tanggal 2028-02-19.
- ↑ "Delapan Fakta Sejarah Tradisi Beduk Membangunkan Sahur di Indonesia". Nganjuk Smart City. Diakses tanggal 2026-02-19.[permanent dead link]
- ↑ "Tradisi Masyarakat Banjar Jelang Ramadhan, Salah Satunya Tanglong". NU Online (dalam bahasa Indonesia). Diakses tanggal 2026-02-18.
- ↑ Febriyana, Wahyu. "Lomba Bagarakan Sahur Tampilkan Semangat dan Kreatifitasnya". haikalteng (dalam bahasa Indonesia). Diakses tanggal 2026-02-19.
- ↑ "Bagarakan Sahur, Tradisi Membangunkan Sahur Ala Banjar di Kalimantan Selatan". www.iloveborneo.my (dalam bahasa Melayu). 2025-03-01. Diakses tanggal 2026-02-19.
- ↑ Hamdani (2024-03-24). "Bangunkan Sahur, Tradisi Meriah dan Perkembangan di Kalsel". IDN Times Kaltim (dalam bahasa Indonesia). Diakses tanggal 2026-02-19.
- ↑ "Tradisi Bagarakan Sahur di Kalsel". adicita.com. 14 Agustus 2010. Diarsipkan dari versi asli tanggal 2021-04-14. Diakses tanggal 3 Juni 2017.
- 1 2 "Tradisi Bagarakan Sahur di Samarinda (Asal Usul, Sejarah, dan Penyelewengannya)". samarindabahari.com. 20 Juni 2017. Diarsipkan dari versi asli tanggal 2018-07-27. Diakses tanggal 3 Juli 2017.