Ayam tangkap
Ayam Tangkap iyalah masakan matan Aceh nang diulah matan Ayam disanga lawan bumbu wan rampah khas Aceh.[1]
Urang Aceh hudah tabiasa makan Ayam tangkap sampai-sampai jadi budaya buhannya. Cara maulah masakan ngini kada tapi ngalih, wastu manyanga ayam nang hudah dipalit bumbu gasan sakira barasa wayah dimakan. Bumbu nang dipakai kaya bawang putih, sahang, kaminting, uyah, wan tipakan. Imbah di bumbui, ayam lalu disanga kikira 5-10 manit. Pahadangan nitu, tambahiakan daun kari, daun ganja, wan daun duhat. Wayah dibangkit wan diandak ka piring, daun ngini yang manukupi hayam nitu.
Imbahnya ayam masak, daunnya kawa dipakai gasan lalapan karing kawan makan ayam. Amun masih hangat, daun ini rasanya nangkaya mamamah karupuk.
Di sapalih kampung, masakan ngini disambat jua lawan ayam sunami marga daun di atas ayamnya bahamburan nangkaya habis kana sunami.[2]
Jujuhutan
[babak | babak asal-mulanya]- ↑ "5 Resep Ayam Tangkap yang Lezat dan Gurih, Kuliner Tradisional khas Aceh". Liputan6. 17 Juli 2024. Diakses tanggal 2 April 2025.
- ↑ Surono, Agus (2017-12-04). "Ayam Tangkap Aceh, Jarang Terdengar Padahal Juga Bisa Bikin Lidah Bergoyang". Intisari.Grid.ID. Diakses tanggal 2026-06-06.
