Astana Isen Mulang
| Astana Isen Mulang | |
|---|---|
 Bubuhan paigalan di muka Astana Isen Mulang | |
| Maklumat umum | |
| Andakan | Jl. Brigjen Katamso No. 9, Pahandut 73112 |
| Kuta | Kuta Palangka Raya |
| Nagara | Indunisia |
| Desain dan konstruksi | |
| Arsiték | Sukarno |
Astana Isen Mulang yatu bangunan nang dipakai gasan wadah bagana nang rasmi gubernur Kalimantan Tangah. Astana ngini andakannya di Jalan Brigjen Katamso, Pahandut, Kuta Palangka Raya. Bangunan ngini dirancang saurang lawan prisiden Indunisia panambayan, Sukarno, nang juwa salajuran merancang samunyaan kuta wayah bamula pandiriannya.[1] Kuyaan "Isen Mulang" artinya kada suah mundur, nang imbahnya jadi sambuyan gasan kuta Palangka Raya.
Bangunan ngini pisin rumah panjang tradisiunal Dayak (rumah betang).[2] Rancak dipakai lawan Gubernur Kalimantan Tangah jadi wadah gasan manyambut tamu nang panting kaya presiden, MPR, DPR, atawa urang badahi lainnya. Bangunan ngini juwa kawa diilangi urang umum wayah hari tartantu, kaya hari raya pitrah.[3]
Di sini ini ada kamar tamu husus nang bahari suah dipakai jadi wadah istirahat gasan tamu nang datang, marga bahari nitu di kuta ngini wastu baisi kamar hotel nang tarbatas tautama wayah hanyar marintis, tagal wayahini sudah jarang dipakai.[4]
Tagas bangunan
[babak | babak asal-mulanya]Astana Isen Mulang ba'asal matan rumah batu. Tagas hatap astana mahirip talu gugusan nang dilapisi lawan hatap sirap matan kayu ulin. Di muka astana ada lapangan nang rancak dipakai gasan kagiatan masarakat. Tungkaran ngini dipakai gasan kagiatan paringatan detik-detik kamardikaan Indunisia ka-69. Acara ngini rajin mamakai tungkaran kantur Gubernur atawa lapangan Sanaman Mantikei.[5]
Sajarah
[babak | babak asal-mulanya]Pambangunan Astana Isen Mulang, idabulnya matan Sukarno wayah sidin panambayan bajalanan ka Kalimantan Tangah, rahatan manajak tihang pamulaan pambangunan Kuta Palangka Raya wayah 17 Juli 1957, wayah pamarintahan Gubernur Tjilik Riwut. Wayah nitu, Sukarno baidabul maalih indung nagara ka wadah nang dibangun saurang, lainan warisan buhan Walanda. Wayah nitu, wastu ada dua kuta di Indunisia nang mamakai "Raya" yaitu Jakarta Raya wan Palangka Raya.
Rancana pambangunan indung banua hanyar ngini tamandak wayah 1962 marga Indunisia tapilih jadi limit manggawi Asian Games ka-4, jadinya dana nagara difokusakan gasan pambangunan prasarana di Jakarta Raya.
Jujuhutan
[babak | babak asal-mulanya]- ↑ Simorangkir, Eduardo (18 Juli 2017). "Ini Lho Istana Isen Mulang yang Dirancang Sukarno". detikfinance (dalam bahasa Indonesia). Diarsipkan dari versi asli tanggal 2022-10-06. Diakses tanggal 1 Oktober 2025.
- ↑ Simorangkir, Eduardo (18 Juli 2017). "Mengintip Istana Isen Mulang Rancangan Sukarno". detikfinance (dalam bahasa Indonesia). Diarsipkan dari versi asli tanggal 2020-09-19. Diakses tanggal 1 Oktober 2025.
- ↑ Binti, Ririen (2025-04-02). "Lebaran Di Istana Isen Mulang Seindah Pelangi". Katakata (dalam bahasa Indonesia). Diakses tanggal 1 Oktober 2025.
- ↑ Simorangkir, Eduardo (18 Juli 2017). "Ini Lho Istana Isen Mulang yang Dirancang Sukarno". detikfinance (dalam bahasa Indonesia). Diarsipkan dari versi asli tanggal 2022-10-06. Diakses tanggal 1 Oktober 2025.
- ↑ Khaitami, Mustain (17 Agustus 2014). Halmien, ed. "Halaman Istana Isen Mulang Kali Ini Jadi Tempat Upacara HUT RI". Banjarmasinpost.co.id (dalam bahasa Indonesia). Diakses tanggal 1 Oktober 2025.