Anwar Usman
 | |
| Riwayat | |
|---|---|
| Kalahiran |
Bima (id)  |
| Agama (id) | Islam |
| Pandidikan |
Universitas Islam Jakarta (id) (–1984) Universitas Gadjah Mada (id) (–2010) |
| Gawian | |
| Gawian |
Hakim (id) |
| Bagawi di |
Mahkamah Konstitusi Republik Indonesia (2018–2020) Pengadilan Tinggi Jakarta (id) (2005–)Mahkamah Agung Republik Indonesia (id) |
| Keluarga (id) | |
| Pasangan nikah (id) |
Idayati (mul) |
 | |
Anwar Usman (diranakakan 31 Disimbir 1956) ialah hakim wan ahli hukum Indunisia nang jadi Ketua Mahkamah Konstitusi Indunisia nang ka anam. Ia tapilih menjabat pada 2 April 2018, menggantiakan Arief Hidayat.[1] Sabalumnya, inya jadi Wakil Ketua Mahkamah Konstitusi Indonesia ka-lima.[2] Ia suah jadi hakim pengadilan tinggi di Jakarta wan suah jadi manajer sumber daya manusia di Mahkamah Agung Republik Indonesia, sampai keputingannya diangkat jadi hakim MK April 2011 mengganti Arsyad Sanusi.[3]
Riwayat hidup
[babak | babak asal-mulanya]Rahatan halus
[babak | babak asal-mulanya]Inya diganalakan di Kampung Rasabou, Kacamatan Bolo, Bima, Nusa Tenggara Barat. Lulus SD 03 Sila pada 1969 ia manarusakan sekolah ka Sekolah Pendidikan Guru Agama Negeri (PGAN) Bima 6 tahun sampai 1975.
Imbah lulus matan situ, ia lawan kuitan bini merantau ka Jakarta langsung jadi guru honorer di SD Kalibaru. Rahatan begawi jadi guru, inya jua kuliah S1. Inya masuk kuliah fakultas hukum Universitas Islam Jakarta wan lulus pada 1984, belainan pada kawanannya sesama guru nang masuk kuliah IAIN atawa IKIP. Maraga SD Kalibaru jadi betambah gonol wan membuka tingkatan sekolah lain, inya tepilih jadi ketua yayasan.
Teater
[babak | babak asal-mulanya]Rahatn jadi mahasiswa, inya aktif di kegiatan teater nang diasuh lawan Ismail Soebardjo. Inya tercatat jadi anggota Sanggar Aksara. Inya suah jua main pilem nang dibintangi lawan Nungki Kusumastuti, Frans Tumbuan wan Rini S. Bono ulahan Ismail Soebardjo pada 1980. Inya cuma dapat peran halus aja, tapi bangga maraga kawa jadi anak buah sutradara. Pilem nang bajudul Perempuan dalam Pasungan jadi Pilem Pembaiknya wan dapat Piala Citra.
Karier
[babak | babak asal-mulanya]Waktu di Mahkamah Agung, inya pernah jadi Asisten Hakum Agung periode 1997-2003. Pada 2001, inya menuntungkan kuliah magister hukum di STIH IBLAM Jakarta. Habis itu diangkat jadi Kepala Biro Kepegawaian Mahkamah Agung periode 2003-2006. Pada 2005, diangkat jadi Hakim Pengadilan Tinggi Jakarta tagal tetap begawi jadi Kepala Biro Kepegawaian. Inya mengaku kada asing lawan Mahkamah Konstitusi. Selain matan ilmu nang inya bisi, inya sudah lawas bekawan lawan Hakim Konstitusi Hamdan Zoelva maraga sama-sama matan Bima.
Inya suah jua menjabat jadi Kepala Badan Litbang Diklat Kumdil Mahkamah Agung periode 2006-2011 nang jadi jabatan pehabisannya di lembaga ngitu. Inya dapat gelar doktor Program Bidang Ilmu Studi Kebijakan Sekolah Pascasarjana Universitas Gajah Mada pada 2010. Pada 6 April 2011, inya dilantik jadi hakim konstitusi nang diusulakan Mahkamah Agung.[4] 6 April 2016, inya dilantik jadi hakim konstitusi gasan periode kadua nang habis April 2026.[5]
Kehidupan pribadi
[babak | babak asal-mulanya]Inya kawin lawan Hj. Suhada nang begawi jadi bidan di Rumah Sakit Wijaya Kusuma, Lumajang wan Rumah Sakit Jaya Utama, Depok. Pas lawan bini nang ini, inya baisi 3 ikung anak. Imbah bini penambaian habis umur, dimaklumatakan Idayati ading kandung Prisidin Joko Widodo jadi cagar bini hanyarnya.[6] Inya resmi kawin lawan Idayati 26 Mei 2022.
Jujuhutan
[babak | babak asal-mulanya]- ↑ Post, The Jakarta. "Anwar Usman elected as new Constitutional Court chief justice - National". The Jakarta Post (dalam bahasa Inggris). Diakses tanggal 2025-12-19.
- ↑ mahkamah konstitusi republik indonesia. "Hakim | Mahkamah Konstitusi RI". www.mahkamahkonstitusi.go.id. Diakses tanggal 2025-12-19.
- ↑ Post, The Jakarta. "Profiles of new Constitutional Court justices - National". The Jakarta Post (dalam bahasa Inggris). Diakses tanggal 2025-12-19.
- ↑ mahkamah konstitusi republik indonesia. "Hakim | Mahkamah Konstitusi RI". mkri.id. Diakses tanggal 2025-12-19.
- ↑ "JPNN". JPNN.com (dalam bahasa Indonesia). Diakses tanggal 2025-12-19.
- ↑ TraxId (2022-03-22). "Jadi Adik Ipar Jokowi Ketua MK Diminta Mengundurkan Diri". Trax Indonesia (dalam bahasa Indonesia). Diakses tanggal 2025-12-19.
Pranala luar
[babak | babak asal-mulanya] |
Wikiquote baisi kuliksi kutipan nang bakaitan lawan: |