Antaludin
Antaludin nang bangaran asli Tumenggung Antaluddin, ialah saurang panglima perang dalam Perang Banjar lawan pusat parjuangan di kawasan Gunung Madang, wahini tamasuk dalam kacamatan Padang Batung, kabupaten Hulu Sungai Selatan, Provinsi Kalimantan Selatan.
Pas ngitu Pangeran Hidayatullah wan Demang Lehman maminta ka Tumenggung Antaluddin gasan maulah binting partahanan di Gunung Madang. Pasukan Pangeran Hidayatullah, Demang Lehman wan pasukan Tumenggung Antaluddin bakumpul di sakitar binting ngini pas bulan September 1860.
Partampuran Gunung Madang 3 September 1860
[babak | babak asal-mulanya]Parsiapan binting partahanan di Gunung Madang ngini dikatahui ulih walanda sahingga datanglah sarangan pasukan walanda sacara mandadak pas 3 Siptimbir 1860, samantara binting baluman salasai dibangun. Sardadu walanda manalusuri kampung Karang Jawa dan Ambarai dan langsung ka Gunung Madang. Saradu walanda takajut, pas hanyar mamaraki bukit tuh sarangan mandadak manyababkan babarapa saradu walanda tiwas. Tagal pulang serdadu walanda mahadap bukit tapi sabalum sampai sarangan gancar manarimanya, sahingga tantara walanda bakurang bulik ka binting Amawang.
Patampuran Gunung Madang 4 September 1860
[babak | babak asal-mulanya]Baisukan hari tanggal 4 Siptimbir 1860 pasukan infantri matan batalyon ka-13 maadaakan sarangan kadua kalinya. Sardadu walanda ngini dilangkapi lawan mortir wan bapuluh-puluh urang parantaian untuk mambawa parlangkapan parang wan dijadinnya umpan dalam partampuran. Saradu walanda malimparakan 3 bigi granat tapi kada babunyi, wan disambut lawan timbakan matan dalam binting Gunung Madang. Di dalam binting Gunung Madang tadapat jua babarapa urang parantaian nang bukah manuju pasukan Pangiran Hidayatullah pas ada pertempuran di Pantai Hambawang (Labuan Amas) nang tajadi sabalumnya. Pas Litnan De Brauw wan Sersan De Vries naik batis Gunung Madang, inya babaya diumpati sardadu bangsa pas Irupa sardadu bangsa bumiputera mambangkang kada baandak batampuran Litnan De Brauw kana ditimbakan di pahanya, wan 9 urang sardadu Iropa takapar kana ditimbakan dari arah dalam binting. Imbah Letnan De Brauw kana timbak, sardadu walanda bakurang wan bulik ka binting di Amawang. Sarangan katiga dikarajoan babarapa hari kamudian imbah walanda maulihi bantuan dari Banjarmasin wan Amuntai.
Jujuhutan
[babak | babak asal-mulanya]- Van Rees WA. 1865. De Bandjarmasinsche Krijg van 1859-1863, Arnhem: Thieme.
- M. Gazali Usman, Kerajaan Banjar: Sejarah Perkembangan Politik, Ekonomi, Perdagangan dan Agama Islam, Banjarmasin: Lambung Mangkurat Press, 1994.