Allah
Allah ialah Tuhan matan umat Muslim nang diyakini sawagai Zat nang Maha Tinggi, Maha Nyata, Satu, Paulah nang Maha Kuat, Maha Tahu, nang Abadi, Panantu Takdir, wan Hakim gasan samista alam dalam kunsip Islam.[1][2]
Islam manitikbaratakan lawan kunsiptualisasi Tuhan sawagai nang Tunggal wan Maha Kuasa (Tauhid).[3] Inya ngitu Satu (wahid wan ahad), Maha Pangasih, wan Maha Kuasa.[4] Ujar Al-Qur'an, tadapat 99 ngaran Allah (asma'ul husna) nang baarti ngaran-ngaran Inya nang baik banar, nang maingatakan saban sifat-sifat Tuhan nang babida.[5][6] Sabarataan ngaran ngitu tatuju lawan Allah, ngaran Tuhan nang Maha Tinggi wan Maha Luas. Di antara 99 ngaran Allah ngitu, nang takanal banar wan rancak banar dipakai ialah nang Maha Pangasih (Ar-Rahman) wan Maha Panyayang (Ar-Rahim).[5][6]
Paulahan wan panguasaan alam samista digambarakan sawagai suatu kalakuan darmawan nang tatambaian banar gasan sabarataan ulahan nang mamuji kaagungan-Inya wan jadi saksi lawan kaisaan-Inya wan kuasa-Inya. Ujar ajaran Islam, Tuhan cungul di mana-mana jua kada harus jadi dalam bantuk napa-napa.[7] Al-Qur'an manjalasakan, "Inya kada kawa dicapai ulih palihatan mata, Inya kawa maitihi sagala nang kalihatan; wan Inya nang Maha Halus jua Maha Tahu banar." (Al-An'am/6 ayat 103).[2]
Tuhan dalam Islam kadanya Maha Agung wan Maha Kuasa haja, tapi jua Tuhan nang parsunal. Ujar Al-Qur'an, Inya labih parak lawan manusia matan urat nadi manusia saurang. Inya manjawab gasan nang mambutuhakan wan mamuhun patulungan jaka bubuhannya badu'a lawan-Inya. Ulih karananya, Inya mamandu manusia lawan jalan nang tarus, "jalan nang diridai-Inya."[7]
Islam mangajarakan, Tuhan dalam kunsip Islam marupakan Tuhan sama nang disambah ulih kalumpuk agama Abrahamik lain kaya Karistin wan Yahudi.[8][9] Tagal, hal ngini kada ditarima sacara univarsal ulih kalangan kadua agama ngitu.
Jujuhutan
[babak | babak asal-mulanya]- ↑ Böwering, Gerhard, God and his Attributes, Encyclopedia of the Quran
- 1 2 Esposito, John L. (1998). Islam: The Straight Path. Oxford University Press. hlm. 22.
- ↑ Esposito, John L. (1998). Islam: The Straight Path. Oxford University Press. hlm. 88.
- ↑ "Allah." Encyclopædia Britannica. 2007. Encyclopædia Britannica
- 1 2 Bentley, David (1999). The 99 beautiful names of God for all the people of the book. Internet Archive. Pasadena, Calif. : William Carey Library. ISBN 978-0-87808-299-5.
- 1 2 Encyclopedia of the Modern Middle East and North Africa, Allah
- 1 2 Britannica Encyclopedia, Islam, hlm. 3
- ↑ Al-'Ankabut/29:46
- ↑ Peters, F.E. (2003), Islam, Princeton University Press, hlm.4.