Alkah Pangeran Antasari

Alkah Pangéran Antasari
Alkah Pangéran Antasari
Maklumat umum
Andakan	Banjarmasin, Indonesia
Alamat	Jalan Mesjid Jami, Kelurahan Antasan Kecil Timur, Banjarmasin Utara, Banjarmasin

Alkah Pangéran Antasari yaitu sabuting alkah nang baandak di Jalan Malkon Temon, Surgi Mufti, Banjarmasin Utara, Kuta Banjarmasin, Kalimantan Salatan, Indunisia, kada jauh lawan Masigit Jami Banjarmasin.

Sajarah

Bahari, Pangéran Antasari dikubur di Dusun Bayan Begok, Kampung Sampirang, Kacamatan Teweh Timur, Kabupatin Barito Utara, Kalimantan Tangah tanggal 11 Uktubir 1862. Waktu dikubur di kampung situ, alkahnya dijagai lawan Raden Joyo wan Raden Panji wan zuriatnya.^[1]

11 Nupimbir 1958, karangka awak Pangéran Antasari wan bininya dipindahakan ka alkah ngini maraga kaluwarga manyatujui papintaan bubuhan masyarakat Banjar sakira janajah Pangéran Antasari kawa dikibur di Banjarmasin. Waktu janajahnya diangkati, awaknya nang masih utuh yaitu tulang tangkurak, tampurung lutut, wan babarapa halai rambut. Upacara pamindahan kuburannya dihadiri lawan Hubnur Kalimantan Salatan Syarkawi, Pangdam X Lambung Mangkurat Kolonel Kusno Utomo, Walikuta Banjarmasin Aidan Sinaga, Dandim 1007 Kapten M. Hammy AM, wan ratusan undangan lainnya.^[1]

Urang nang dikubur

Pangéran Antasari
Ratu Antasari, bini Pangéran Antasari.^[2]
Panglima Batur, panglima perang Banjar matan suku Bakumpai. Waktu habis umur maraga dihukum gantung lawan bubuhan Walanda, inya dikuburakan di wilayah parak Masigit Jami Banjarmasin pas tanggal 15 Siptimbir 1905. Waktu tanggal 21 April 1958, janajahnya dipindahakan ka alkah ngini.^[2]
Ratu Zaleha, pajuang perang Banjar wan cucunya Pangeran Antasari.^[2]
Hasanuddin H.M. (Hasanuddin bin Haji Madjedi), pahlawan ampera (amanat penderitaan rakyat) di Kalimantan Salatan, mahasiswa Universitas Lambung Mangkurat Banjarmasin nang habis umur pada 1966.^{^[2]}