Air Terang, Tiloan, Buol

Air Terang yaitu sabuting kampung nang andakannya di Kacamatan Tiloan, Kabupatin Buol, Prupinsii Sulawesi Tangah, Indunisia.^[1]

Sejarah

Sabalum jadi kawasan transmigrasi, Air Terang masih hutan labat jalan masuk libarnya hinggan dua depa. Kampung ngini ada Sungai Seropan nang banyunya jernih wan tarang, matan sungai ngini jadilah ngaran kampung Air Terang. Sungai ngini jadi sumber banyu kampung wan bubuhan menajgai hutan ngarannya "Arter" kehendepan matan Air Terang, menanam rotan wan pohon-pohon di sakitar sungai gasan mangumpulakan banyu wan menahani erosi.^[2]

Penduduk

Selain buhan Bugis wan Makassar, banyak etnis nang begana di kampung ngini. Ada nang datangnya matan Jawa Timur, Jawa Tengah, Bali, wan Lombok mamakai jalur transmigrasi tahun 1993. Transmigran nang bedahulu datang, bediam di kampung-kampung lain di Kacamatan Tiloan tahun 1982.^[2]

Bubuhan transmigran wan panduduk asli Buol bahurupan ilmu gasan betetanam, perayaan seni, sampai ka bemacam masakan nang diulah. Mun betetanam, urang Buol betanam di pahumaan. Cara betanamnya mamakai sistim tugal, cara betetanam ngini mamakai tungkai kayu lawan ujung nang landap wan tajam gasan melubangi tanah gasan betanam padi. Parang jadi alat utama urang asli Buol gasan betetenam. Cara ngini disambat baparas. Transmigran nang matan Jawa besangu bibit padi matan pamarintah gasan betanam padi di ladang, mamakai sistem irigasi wan membajak. Cara betetanam mamakai cangkul tanah digawi di Buol ulih buhan transmigran. Bahurupan cara mananam padi antara transmigran wan panduduk asli Buol.^[2]

Dahulu buhan transmigran bahurupan ilmu, urang Buol biasanya membuang kapala, kulit, batis wan isi parut sapi nang disembalih gasan upacara nikah. Pas buhan transmigran datang, bibinian menampaiakan kerupuk rambak matan kulit sapi wan gorengan krecek, wan manunjukakan jua kulit, batis wan kapala sapi masih kawa diulah jadi kuliner soto.^[2]

Jujuhutan

↑ Ajriyanto, Keyat (2024). Setianingsih, Siti, ed. Kecamatan Tiloan dalam Angka 2024 (dalam bahasa Indonesia dan bahasa Inggris). Diterjemahkan oleh Ajriyanto, Keyat. Buol: Badan Pusat Statistik Kabupaten Buol. hlm. 5.
1 2 3 4 Aiyub, Azhari; Hartanto, Dwi; Poceratu, Eko Saputra; Aladjai, Erni; Nesi, Felix K. (2024). Dari Dewantara hingga Anak Rumput Tak Tahu Adat Sehimpun Laporan tentang Bantuan Pemerintah untuk Desa. Jakarta: Penerbit Buku Kompas. ISBN 978-623-160-440-8. Kasalahan pangutipan: Tanda <ref> tidak sah; nama ":0" didefinisikan berulang dengan isi berbeda

[1] Ajriyanto, Keyat (2024). Setianingsih, Siti, ed. Kecamatan Tiloan dalam Angka 2024 (dalam bahasa Indonesia dan bahasa Inggris). Diterjemahkan oleh Ajriyanto, Keyat. Buol: Badan Pusat Statistik Kabupaten Buol. hlm. 5.

[:0-2] 1 2 3 4 Aiyub, Azhari; Hartanto, Dwi; Poceratu, Eko Saputra; Aladjai, Erni; Nesi, Felix K. (2024). Dari Dewantara hingga Anak Rumput Tak Tahu Adat Sehimpun Laporan tentang Bantuan Pemerintah untuk Desa. Jakarta: Penerbit Buku Kompas. ISBN 978-623-160-440-8. Kasalahan pangutipan: Tanda <ref> tidak sah; nama ":0" didefinisikan berulang dengan isi berbeda

[1]

[2]