Adjim Arijadi
Adjim Arijadi adalah sastrawan wan budayawan Indonesia nang samasa hidupnya baulih galar Datuk Mangku Adat Kesultanan Banjar. Sidin lahir pada tanggal 7 Juli 1940 di Mali-Mali, Kacamatan Karang Intan, Kabupatin Banjar, Kalimantan Selatan. Sidin maninggal hari Jumahat tanggal 1 Januari 2016, imbah sawat dirawat di Rumah Sakit Anshari Saleh Banjarmasin. Adjim Arijadi manuguli dunia sastra lawan jua sani peran, sutra dara teater, filim, sinetron, lukis, sani pertunjukan, wan masih banyak nang lainnya.[1] Barakat ngitu, sidin terkenal banar lawan identitas sidin sebagai saniman dari pada sastrawan.
Adjim Arijadi anak ka 6 dari 11 badingsanak. Kuitan laki (abah) sidin bangaran H. Arsyad bin Salih (alm.), nang marupakan saurang petani wan sawat menjadi pembakal di Kabupatin Banjar waktu zaman Walanda. Kuitan bini (mama) sidin bangaran Hj. Komala (alm.) nang gawiannya sabagai ibu rumah tangga wan patani jua.
Riwayat Hidup
[babak | babak asal-mulanya]Adjim Arijadi dikanal urang jua sebagai Bapak atawa Abah Teater Modern Kalimantan Selatan wan suah jua menjabat sabagai Sakataris Lambaga Budaya Banjar. Adjim Arijadi wayah anum katuju umpat kuitan sidin manuntun pertunjukan kasanian musik hadrah wan karung-karung.[1] Sidin jadi katuju banar lawan kasanian ulih katuju manuntun lawan kuitan sidin. Sastra lisan jua rancak disyairkan lawan mama sidin. Sidin bagana di Yogyakarta mulai tahun 1963-1966, di sana sidin manulis sastra lakon wan puisi. Banyak puisi ulahan sidin nang tabuat di koran satiap minggu. Sidin suah jua baguru lawan W.S Rendra, lawan Rendra sidin samakin mandalami sani lukis wan rancak mandatangi sanggar-sanggar lukis di sana. Sidin lawan Rendra jua mandirikan Studi Grup Drama Yogyakarta gasan babuhan teater. Sidin jua lawan kakawanan sidin mandirikan Kalumpuk atau grup Studi Seni Sanggar Budaya Banjarmain, wayah tanggal 1 November 1967 di Banjarmasin. Kada hanya manjadi katua, sidin jua manjadi panulis naskah drama wan palatih Sanggar Budaya Banjarmasin.[2] Adjim Arijadi manarima panghargaan atawa hadiah kasanian bidang drama ulih Gubernuh Kalimantan Selatan nang bangaran Soebardjo Soerjosaro. Salawas kurun waktu 1963-2007, naskah drama sidin ditampil akan dimana-mana, naskah sidin nang tarkanal ada Lambung Mangkurat, Junjung Buih, wan Dokter Hayati[1]
Kaluarga
[babak | babak asal-mulanya]Sidin manikah lawan istri sidin nang pertama bangaran Hj.Samberah, baulihi anak lalakian lawan babinian. Sidin lawan bini sidin nang partama lawas bagana di Saudi Arabia sampai bini sidin maninggal dunia. Imbah ngitu sidin manikah pulang lawan saurang panyair, binian teater, wan panulis carita pindik nang bangaran Suwastinah urang nang barasal dari Benteng Kraton Yogyakarta. Lawan bini kadua ngitu sidin baulihi pulang dua anak lalaki nang bangaran Nahdi wan Muzammiel, ada jua babinian bangaran Niken Sawitri. Lawas sidin barumah tangga, lawan dibari rastu kuitan sidin, sidin manikahi binian nag bangaran Hj. Helda Elly, urang dari Kalimantan Tengah, Martapura. Lawan bini sidin nang ngitu, sidin baulihi pulang anak bangaran Eldinar Raina wan Shinta Ellusiana. Sidin bapisah imbah manjalin rumah tangga salawas 17 tahun. Imbah ngitu, sidin manikahi pulang binian nang barasal dari Hulu Sungai Utara Awayan di Balangan. Bini sidin ngitu banama Hj. Elly Rahmi nang bagawi sabagai pagawai nagari sipil di Disporabudpar. Sidin baulihi anak lawan bini sidin nang ngini bangarann Hijromi A. Arijadi wan Ikhwana Putera A. Arijadi.
Jujuhutan
[babak | babak asal-mulanya]- 1 2 3 operator. "Haji Adjim Arijadi | Badan Pengembangan dan Pembinaan Bahasa - Kemendikdasmen". badanbahasa.kemdikbud.go.id (dalam bahasa Indonesia). Diarsipkan dari versi asli tanggal 2024-11-05. Diakses tanggal 2025-03-08.
- ↑ Redaksi. "Adjim Arijadi : Bapak Teater Modern Kalsel - Riau Pos". Adjim Arijadi : Bapak Teater Modern Kalsel - Riau Pos (dalam bahasa Indonesia). Diakses tanggal 2025-03-08.