Capil ka isi

Adipatie Danoe Radja

Tumatan Wikipidia Banjar, kindai pangatahuan

Syarif Anang Ali Zainal Abidin bin Pambakal Abdul Karim bin Datu Kabul keturunan Sunan Gunung Jati Cirebon bagalar Kiai Adipatie Danoe Radja (Adipati Danu Raja) atawa nagaran sabalumnya Tommonggong Dipa Nata (Temenggung Dipa Nata) marupakan adipati (hubnur) nang mamarintah dairah Banua Lima (pusat pamarintahan dairah Hulu Sungai) nang marupakan dairah Kasultanan Banjar nang kada umpat dijulung lawan Hindia Walanda.[1][2][3][4]

Karir Pulitik

[babak | babak asal-mulanya]
Distrik-ditrik di wilayah Zuid en Ooster Afdeeling van Borneo tahun 1862.

Adipatie Danoe Radja marupakan staff pamarintahan Sultan Adam matan Banjar. Haratan Kasultanan Banjar dihilangakan sapihak ulih Walanda, inya magun manarusakan gawiannya di bawah pamarintahan Hindia Walanda sawagai regent der afeeling Amonthaij (1861) lawan tambahan pangkat Radhen yaitu Radhen Adipati Danoe Redjo) (Ijaan Jawa) nang mambawahi distrik-distrik:[5]

  1. Distrik Alaij
  2. Distrik Amandit
  3. Distrik Nagara
  4. Distrik Amonthaij, Soengei benar wan Álabioe
  5. Distrik Kaloewa
  6. Distrik Balangan
  7. Distrik Tabalong
  8. Distrik Sihong
  9. Distrik Patei.

Inya marupakan danul golongan Anak cucu urang sapulih di Amuntai. Sabalum jadi regent, antara tahun 1835-1845 inya jadi adipati (raja dairah) Banua Lima nang baribu kuta di Sungai Banar (wayahini Amuntai Salatan) wayah pamarintahan Raja Banjar Sultan Adam. Banua Lima marupakan prupinsi Kasultanan Banjar nang marupakan bakas dairah Karajaan Nagara Daha nang dijadiakan prupinsi. Wayahitu ibu kuta Banua Lima bagisir matan Nagara Daha ka Sungai Banar (Amuntai Salatan). Mulai tahun 1845 pamarintahan Hindia Walanda maulah diritan pamarintahan di wilayah Kalsel-teng. Dairah Banua Lima jadi afdeeling Amonthaij nang magun taumpat dairah Kasultanan Banjar sabalum dihapusakan Walanda tahun 1860.

  1. ↑ Yusliani Noor, Mansyur, Rabini Sayyidati (2018). Adipati Danoeradja Tumenggung Dipanata: sebuah inspirasi dari regent Banua Lima (PDF) (dalam bahasa Indonesia). Penerbit Graha Cendekia. ISBN 6025072175. Diarsipkan dari versi asli (PDF) tanggal 2023-06-27. Diakses tanggal 2025-05-26. ISBN 9786025072178
  2. ↑ J. J. Meijer (Koninklijk Bataviaasch Genootschap van Kunsten en Wetenschappen) (1891). De Indische gids (dalam bahasa Belanda). 13 (edisi ke-2). Batavia: J. H. de Bussy. hlm. 1710.
  3. ↑ Koninklijk Bataviaasch Genootschap van Kunsten en Wetenschappen (1860). Tijdschrift van het Bataviaasch Genootschap (dalam bahasa Belanda). 9. Batavia: Lange. hlm. 128.
  4. ↑ Koninklijk Bataviaasch Genootschap van Kunsten en Wetenschappen (1861). Tijdschrift voor Nederlandsch-Indie͏̈ (dalam bahasa Belanda). 13. Batavia: Becht. hlm. 72.
  5. ↑ "Landsdrukkerij". Almanak en Naamregister van Nederlandsch-Indië, voor 1861 (dalam bahasa Belanda). 34. Batavia: Ter Lands-Drukkerij. 1861. hlm. 133.
Dijumput matan "https://bjn.wikipedia.org/w/index.php?title=Adipatie_Danoe_Radja&oldid=105382"