Abu Lahab
| Abu Lahab أبو لهب | |
|---|---|
| Pamimpin suku Quraisy | |
| Pendahulu | Abu Thalib |
| Penerus | Abu Sufyan |
| Lahir | Abdul Uzza bin Abdul Muttalib ca. 549 Mekah, Arabia (Wahini Arab Saudi) |
| Wafat | ca. 624 (umur 74-75) Mekkah, Arabia (Wahini Arab Saudi) |
| Ayah | Abdul Muttalib |
| Ibu | Lubna binti Hajar |
| Pasangan | Ummu Jamil |
| Anak | Utaybah bin Abu Lahab Utbah bin Abu Lahab Mutaib bin Abu Lahab Durrah binti Abu Lahab Uzzā binti Abu Lahab Khālida binti Abu Lahab |
Abu Lahab bin 'Abdul Muttalib (Basa Arab: أبو لهب) (maninggal 624) adalah Amang Nabi Muhammad nang dipinandui duwa muarnya sidin lawan ajaran Islam. Ngarannya disambat dalam Al-Qur'an Surah Al-Lahab nang marupakan pangutukkan gasan Abu Lahab maraga jadi salah saikung musuh Islam.
Ngaran langkapnya adalah Abdul Uzza bin 'Abdul Muttalib wan rancak dikiau Abu Lahab (abah matan api nang barau), maraga pipinya nang habang tarus atawa nang kaya tabanam. Bininya adalah Ummu Jamil, nang hudah maranakakan Anam anak Utbah bin Abu Lahab,Utaibah bin Abu Lahab,Mu'tib bin Abu Lahab,Durrah Bin Abu Lahab,Khalidah Binti Abu Lahab Dan Izza Binti Abu Lahab.
Sabarataan Anak-anaknya masuk Islam rahatan ari panaklukan Mekkah wan buhannya manyaksiakan partampuran Hunayn wan Taif, Kacuali Utaibah, Inya kada bapindah agama wan inya maninggal maraga dimakan Singa[1]
Sajarah
[babak | babak asal-mulanya]Abu Lahab adalah kai Se-Abah Abdullah (Abdullah adalah abah Nabi Muhammad SAW).[2] Ngarannya lagi halus adalah Abdul 'Uzza bin Abdul Mutthalib. 'Uzza marupakan ngaran sabuting barhala nang disambah urang Quraisy. Inya dikiau lawan galar "Abu Lahab" nang amun diartiakan dalam basa Banjar jadi nang kaya "Abah Manyala" maraga muhanya nang dirasa langkar, banyala tarang wan bungas.[2] Abahnya Adalah Abdul Muthalib Bin Hasyim wan Umanya bangaran Lubna Binti Hajir Bin Abd Manaf Bin Dhatar Bin Habashiyah Bin Salul, Bininya adalah Arwa, dangsanak binian Abu Sufyan Sakhar bin Harb, khalah (bibi dari ibu) matan Muawiyah. Arwa bagalar "Ummu Jamil", nang baarti "Uma matan bungas".[3]
Rahatan Nabi Muhammad balum diangkat jadi rasul, hubungan Muhammad lawan Abu Lahab bagus banar. Dalam sabuting riwayat, Abu Lahab himung banar rahatan Nabi Muhammad SAW diranakakan. Inya maniring Nabi Muhammad SAW sabagai gaganti adingnya nang maninggal waktu anum, Abdullah (abah Nabi Muhammad SAW). Abu Lahab sampai mangirimakan saikung budak binian nang anum bangaran Tsuaibah, gasan menyusui Nabi Muhammad SAW, sebelum datang Halimatus Sa'diyah matan banua Bani Sa'ad.[2] Anak Nabi Muhammad, Ruqaiyah, kawain lawan anak Abu Lahab, Utaibah.[3]
Kada baakuran lawan Nabi Muhammad
[babak | babak asal-mulanya]Imbah Nabi Muhammad mulai badakwah jadi Utusan Allah, bamula Abu Lahab manantang karas dakwah sidin.
Manyaru di Bukit Shafa
[babak | babak asal-mulanya]Imbah turun ayat 214 surat Asy-Syuara : "Wan tangatilah ka kaum dangsanak ikam nang parak", Nabi Muhammad kaluar matan rumahnya manuju bukit Shafa. Sidin badiri wan manyaru, urang-urang sakira bakumpul. Baucap sidin, "Amun aku sambat nu buhan ikam amun ada musuh lawan kuda parangnya ada di balakang bukit ni, parcayalah buhan pian?". Samunyaan parcaya, maraga Nabi Muhammad dipinandui sabagai urang nang jujur wan kada suah badusta. Sidin manarusakan papadahnya , "Wahini aku handak manangati buhan ikam sabarataan, amun dihadapan aku ni azab Tuhan nang maha ganal lagi maancam buhan ikam." Sabarataan urang tadiam, kalinya mancipul bakuciak Abu Lahab, "Ikam mangumpulakan kami maraga ngini waralah? kamu mengumpulkan kami hanya untuk mengatakan itu? Calaka ikam!".[2] Kada lawas imbahnya, turunlah Surat Surah Al-Lahab.[2]
Manyaru di Dzil Majaz
[babak | babak asal-mulanya]Nabi Muhammad rahatan badakwah di Pasar Dzil Majaz, Sidin manyambat: "Uy bubuhan manusia! Sambat La Ilaha Illallah (kadaada Tuhan lain pada Allah), niscaya ikam barataan manamui kamanangan." Banyak urang bakumpul mandangarakan Nabi Muhammad. Imbah ngitu, datanglah Abu Lahab lalu manyambat: "Jangan bubuhan ikam dangarakan inya. Inya hudah bakhianat lawan agama padatuannya, inya ni pangaramput!".[3]
Utusan Kabilah Arab
[babak | babak asal-mulanya]Utusan kabilah-kabilah Arab handak manamui Nabi Muhammad di Makkah gasan maminta panjalasan kisah Islam. Buhannya ngini lalu ditamui ulih Abu Lahab. Amun buhannya tu batakun kisah kamanakannya ngitu, inya manyambat "Pangaramput, tukang sihir".[3]
Saraknya Utaibah - Ruqaiyah
[babak | babak asal-mulanya]Abu Lahab manyuruh anaknya, Utaibah, gasan sarak lawan bininya, Ruqaiyah binti Muhammad. Paampihannya, buhannya sarak. Nabi Muhammad mangawinakan Ruqaiyah lawan Usman bin Affan.[3]
Maninggal
[babak | babak asal-mulanya]Abu Lahab kada umpat Parang Badar, tagal inya mambari sangu ka nang lain gasan manggantiakannya baparang.[3] Imbah Parang Badar tuntung, Abu Lahab dapat habar amun pasukan Mekkah hudah kalah di Parang Badar, 70 urang mati wan 70 orang tatangkap. Inya maninggal imbah kajadian ngini.[3]