Vihara

Tumatan Wikipidia basa Banjar, insiklupidia bibas
Malacung ka napigasi, gagai

Vihara (atawa kawa jua dibaca "wihara") tu lamunnya di Indonésia sambatan ngaran rumah ibadah umat Buddha. Sebujurannya dalam Bahasa Sansekerta, vihara tu artinya biara wadah bikkhu Buddha tinggal. Banyak nang kada paham béda vihara lawan tempékong. Musababnya, bahari waktu Orde Lama cuma ada 5 agama resmi (Islam, Protéstan, Katolik, Hindu, wan Buddhisme). Jadi waktu itu banyak tempékong nang memakay ngaran "vihara" supaya kawa dapat izin ibadah. Jadinya sampay wayah ini banyak urang nang kada tahu bahwa vihara lawan tempékong tu béda. Vihara itu bangunan nang khusus dipakay gasan ibadah umat Buddha, sementara tempékong tu biasanya istilah gasan wadah ibadah umat Konghucu atau Taoisme nang beisian fungsi lain selain rumah ibadah. Bangunan tempékong biasanya berarsitéktur Cina, lamunnya bangunan vihara bisa macam-macam gaya arsitékturnya.