Pangéran Antasari

Tumatan Wikipidia basa Banjar, insiklupidia bibas
Malacung ka napigasi, gagai

Pangéran Antasari itu Pahlawan Nasional Indonésia nang asalnya dari Kalimantan Selatan. Sidin lahir di Kayu Tangi, Banjar, Kabupaten Banjar, Kalimantan Selatan, tahun 1797 atawa 1809. Sidin wafat di Bayan Begok, Barito Utara, Kalimantan Tengah, 11 Oktober 1862 pas umur sidin 53 tahun.

Ngaran sidin waktu halus Gusti Inu Kertapati. Abah sidin Pangéran Masohut bin Pangéran Amir bin Sultam Muhammad Aminullah. Uma sidin Gusti Hadijah binti Sultan Sulaiman. Sidin beisian ading nang bengaran Ratu Antasari/Ratu Sultan. Sidin beisian 8 anak binian lawan 3 anak lakian.

Imbah Belanda menangkap Sultan Hidayatullah lawan cara menyandera uma sidin, Ratu Siti, maka nang memimpin perjuangan rakyat Banjar melawan penjajah adalah Pangéran Antasari. Rakyat, pejuang, alim ulama, bangsawan Banjar, semunyaan mendukung sidin lawan mengangkat sidin lawan gelar "Panembahan Amiruddin Khalifatul Mukminin" yaitu pimpinan pemerintahan, panglima perang, wan pemuka agama nang peningginya.

Imbah sidin berjuang wan rakyat, sidin wafat di tangah-tangah pasukan sidin tanggal 1 Oktober 1862. Sidin kada suwah menyerah, tetangkap, apa lagi kawa ditipu oleh rayuan Belanda. Waktu sidin parak wafat, sidin kena penyakit paru-paru lawan cacar nang sidin dapat imbah pertempuran di Bukit Bagantung, Tundakan.