Pangéran Antasari

Tumatan Wikipidia Banjar, kindai pangatahuan
Pangeran Antasari
Panembahan Amiruddin Khalifatul Mukminin
Pangeran Antassarie
Gusti Inu Kartapati
Lukisan Pangéran Antasari di duit 2000 rupiah kaluaran tahun 2009
Masa kakuasaan14 Maret 1862 - 11 Oktober 1862
PandahuluSultan Hidayatullah Khalilullah
PanggantiSultan Muhammad Seman
Pasangan1. Ratu Antasari (Ratoe Idjah) binti Sultan Adam
2. Nyai Fatimah (ading Tumenggung Surapati)
Anak1. ♂ Panembahan Muhammad Said (anak lawan Ratu Antasari)

2. ♂ Sultan Muhammad Seman (anak lawan Nyai Fatimah)
3. ♀ Putri Kaidah (uma Gusti Mat Napis)

4. ♀ Puteri Hasiah (dibini'i Pangeran Wira Kasuma
WangsaDinasti Banjarmasin
AbahPangeran Masud bin Pangeran Amir
UmaGusti Khadijah binti Sultan Sulaiman

Pangéran Antasari ngitu pahlawan nasiunal Indunisia nang asalnya matan Kalimantan Selatan. Inya ranak di Kayu Tangi, Banjar, Kabupaten Banjar, Kalimantan Selatan, tahun 1809[1]. Sidin habis umur di Bayan Begok, Barito Utara, Kalimantan Tengah, 11 Uktubir 1862 pas umur sidin 53 tahun.

Kulawarga[babak | babak asal-mulanya]

Ngaran inya wayah halus Gusti Inu Kertapati. Abah sidin Pangéran Masohut bin Pangéran Amir bin Sultam Muhammad Aminullah. Uma sidin Gusti Hadijah binti Sultan Sulaiman. Sidin baisi ading nang bangaran Ratu Antasari/Ratu Sultan. Sidin baisi 8 anak bibinian lawan 3 anak lalakian.

Malawan Walanda[babak | babak asal-mulanya]

Imbah Walanda manangkap Sultan Hidayatullah lawan cara manyandara uma sidin, Ratu Siti, maka nang mamimpin pajuangan rakyat Banjar malawan panjajah adalah Pangéran Antasari. Rakiat, pajuang, alim ulama, bangsawan Banjar, samunyaan mandukung sidin lawan maangkat sidin lawan galar "Panembahan Amiruddin Khalifatul Mukminin" nang artinya pimpinan pamarintahan, panglima parang, wan pamuka agama nang paningginya.

Habis umur[babak | babak asal-mulanya]

Imbah inya bajuang wan rakyat, inya habis umur di tangah-tangah pasukan inya tanggal 1 Uktubir 1862. Sidin kada suah manyarah, tatangkap, apa lagi kawa ditipu ulih rayuan Walanda. Wayah sidin parak habis umur, sidin kana panyakit hampau lawan kacacar nang sidin dapat imbah patampuran di Bukit Bagantung, Tundakan.

Kuburan Pangeran Antasari

Jujuhutan[babak | babak asal-mulanya]

  1. ^ "Biografi Pangeran Antasari, Pemimpin Kesultanan Banjar - Nasional Katadata.co.id". katadata.co.id (dalam bahasa Indonesia). 2022-03-18. Diakses tanggal 2022-05-27.