Palir

Anatumi palir manusia

Palir atawa pelér atawa butuh adalah alat kelamin jantan. Palir marupakan organ eksternal, karana berada di luar ruang awak. Dalam bahasa Bali butuh berarti buah palir.

Pamakaian istilah "palir" praktis salalu dalam konteks biologi atawa kadukturan. Istilah "falus" (matan phallus) dipakai dalam konteks budaya, khususnya pasal panggambaran palir nang mangajung (ereksi). Lingga (atawa lingam) adalah salah asa panggambaran falus. Dalam literatur kaagamaan (Islam), kata zakar labih rancak dipakai. Karana dalam barandak masyarakat organ ini dianggap tabu hagan dipandirakan sacara tabuka, babagai eufemisme dipakai hagan manyatakannya, kaya "burung", "pisang", dick, atawa cock (bahasa Inggris).

Fungsi palir sacara biologi adalah sabagai alat pambuangan (organ ekskresi) sisa metabolisma bawujud cairan (urinasi) dan sabagai pakakas bantu reproduksi. Palir sajati dimiliki ulih mamalia dan manjadi penciri utama janis kelamin jagau.

Organ lawan fungsi serupa matan hewan anggota divisio lain bahanu disambat palir walaupun sacara teknis bukanlah kaya palir pada mamalia.