Nala Garing
Nala garing, wastu haja masyarakat damini labih pinandu lawan sambatan “garing”.
Riwayat[babak | babak asal-mulanya]
Garing adalah panakawan nang babatis pincang. Hal ngini adalah sabuting sanepa matan sipat Gareng sabagai kawula nang salalu hati-hati dalam batindak. Salain ngitu, cacat pisik Gareng nang lain adalah tangan nang ciker atawa patah. Ngini adalah sanepa bahua Gareng ba'isi sipat kada katuju ma'ambil hak ampun urang lain. Dikisahakan bahua mata batis kanannya takana samacam penyakit bubul.
Dalam sabuting carangan Gareng suah manjadi raja di Paranggumiwayang lawan galar Pandu Pragola. Wayah ngitu inya bahasil mangalahakan Prabu Welgeduwelbeh raja matan Borneo nang kada lain adalah panjalmaan matan dingsanaknya sa'urang yato Petruk.
Dahulunya, Gareng bawujut satria bungas bangaran Bambang Sukodadi matan padipukan Bluktiba. Gareng liwat sakti tagal liwar arai, sahingga salalu manantang balawan saban satria nang ditamuinya. Sabuting hari, wayah hanyar haja manuntungakan tapanya, inya bajumpa lawan satria lain bangaran Bambang Panyukilan. Marga sabuting kasalahpahaman, bubuhannya maka bakalahi. Matan hasil pakalahian ngitu, kadada nang manang wan kalah, bahkan muha bubuhannya badua rusak. Imbah ngitu datanglah Batara Ismaya (Semar) nang mambisa'i bubuhannya. Marga Batara Ismaya ngini adalah pamong bubuhan satria Pandawa nang bajalan di atas kabujuran, maka dalam bantuk Jangganan Samara Anta, inya (Ismaya) mambari nasihat kapada kadua satria nang hanyar haja bakalahi ngitu.
Marga kagum ulih nasihat Batara Ismaya, kadua satria ngitu minta ma'abdi wan maminta diaku anak ulih Lurah Karang Kadempel, titisan diwa (Batara Ismaya) ngitu. Habisnya Jangganan Samara Anta basadia manarima bubuhannya, asal kadua satria ngitu hakun mangawani inya manjadi pamong buhan kasatria babudi luhur (Pandawa), wan habisnya buhannya badua akur. Gareng imbahnya diangkat manjadi anak tatuha (sulung) matan Semar.