Musium Wasaka

Tumatan Wikipidia Banjar, kindai pangatahuan
Musium Wasaka

Musium Wasaka adalah sabuting musium parjuangan rakyat Kalimantan Salatan nang ba'andak di Gang H. Andir, Kampung Kenanga Ulu, Kalurahan Sungai Jingah, Kacamatan Banjarmasin Utara, Kuta Banjarmasin. Wasaka singkatan matan Waja Sampai Ka Puting nang marupakan motto parjuangan rakyat Kalimantan Salatan.

Musium bawadah pada rumah Banjar Bubungan Tinggi nang limbah diugahfungsikan matan hunian manjadi musium sabagai upaya konservasi bangunan tradisional.

Isi Musium[babak | babak asal-mulanya]

Kuleksi sanjata wahini wan tradisiunal rakyat Banjar. Ada 400 benda matan perang kemerdekaan. Salain ngitu, ada banyak lagi sanjata nang dipakai oleh pajauang Bandjar dari tahun 1945 - 1949. Isinya ada sanapang angin nang awaknya diulah dari kayu. Salain ngitu ada jua mandau wan tumbak.

Talasan wan sanjata dalam musium

Lalu ada talasan nang ada batulis wafak wan mantera-matera sagan kabal dari serangan musuh. Talasan ngini isinya kaus dalaman, baju luaran, ikat kapala wan babat. Kunun, pamakainya yaeto buhan pahlawan kemerdekaan Kasel nang bahari sangaja minta talasannya di wafak akan. Rancak, buhan sidin minta anukan lawan urang alim nangkaya ulama.

Dibagian tangah, di lurung sabalah kanan, ada ditampaiakan teks proklamasi pernyataan warga Kalsel gasan begabung sebagai bahagian dari NKRI. lalu ada jua kodakan zaman bahari, tas, radiu, wan katikan nang rancak dipakai pejuang gasan kemerdekaan.

Masuk lagi ke balakang, ada tiruan pembuatan sanjata tajam wan pistul ampun buhan pajuang. Tiruannya dilengkapi hampatung si paulah sanjatanya.

Jam buka[babak | babak asal-mulanya]

Musium ngini abut pas Sabtu dan Ahad. Memasuki musium ini, cukup membayar parkir Rp 3.000. Kalau masuk ke dalam musiumnya geratis. Musium ini beroperasi tiap Salasa sampai Kamis pukul 09.00-12.00 WITA, Jumahat pukul 09.00-11.00 WITA serta Sabtu dan Ahad pukul 09.00-12.30 WITA.

Jujuhutan[babak | babak asal-mulanya]

https://utara.banjarmasinkota.go.id/2018/05/museum-waja-sampai-kaputing.html