Geréja

Tumatan Wikipidia basa Banjar, insiklupidia bibas
Malacung ka napigasi, gagai

Geréja itu istilah gasan rumah ibadah umat Kerestén. Tagal istilah "geréja" nang akar katanya dari igreja (Bahasa Portugis) ini masih beisian arti lain antara lain umat atau kumpulan penganut Kerestén nang sama kepercayaannya, ajarannya, wan tata cara ibadahnya (contoh: geréja Katolik, geréja Protéstan). Atawa jua wadah umat Kerestén betamuan gasan ibadah. Wadah ini bisa di dalam rumah, lapangan, hotél, dan lain sabagainya. Bahari tu di zaman Yahudi umat Kerestén kada beisian wadah khusus gasan beibadah jadi buhannya beibadah di rumah atau di Sinagoga, tapi lawas-kelawasan imbah agama ini diterima oleh khalayak akhirnya mulai dibangun bangunan khusus nang wayah ini lazim kita sambat "geréja" walaupun istilah ini ada arti-arti lain selain artinya sabagai rumah ibadah.

Arsitéktur geréja biasanya berbentuk salib, ada menaranya atau ada kubahnya. Tagal wayah ini kada harus kaya itu, karena banyak jua bemunculan gaya-gaya arsitéktur nang hanyar gasan bangunan geréja. Bahkan di Indonésia, banyak jua geréja nang meambil bentuk rumah tradisional asli Nusantara.