Bahasa Indonésia

Tumatan Wikipidia basa Banjar, insiklupidia bibas
(Diugahakan matan Bahasa Indonesia)
Malacung ka napigasi, gagai
Bahasa Indonésia
Dituturakan di Indonésia, Malaysia, Timor Lésté, Brunai, Singapura
Banua Indonésia, Malaysia, Timor Lésté, Brunai, Singapura
Jumlah pamandir 17–30 juta pamandir asli
total 140–220 juta
Paringkat 56
Rumpun basa Austronesia
Status rasmi
Basa rasmi di Indonésia
Diatur ulih Pusat Bahasa
Kode-kode basa
ISO 639-1 id
ISO 639-2 ind
ISO 639-3 ind
300px
Keterangan:
     Wilayah Bahasa Indonésia dominan dipandirakan wan sabagai basa rasmi.
     Wilayah Bahasa Indonésia dipandirakan ulih minoritas.

Bahasa Indonésia adalah basa rasmi Ripublik Indonésia[1] wan basa parsatuan bangsa Indonésia[2]. Bahasa Indonésia dirasmiakan panggunaannya imbah Proklamasi Kamardikaan Indonésia, tapatnya sahari sasudahnya, basamaan lawan mulai barlakunya konstitusi. Di Timor Lésté, Bahasa Indonésia bapusisi sabagai basa gawi.

Matan puncu pandang linguistik, Bahasa Indonésia adalah suatu varian basa Malayu. Dasar nang dipakai adalah basa Malayu Riau matan abad ke-19. Dalam parkambangannya, inya mangalami parubahan marga panggunaanya sabagai basa gawi di lingkungan administrasi kolonial wan babagai parusis pambakuan tumatan panambaian abad ke-20. Pangaranan "Bahasa Indonésia" diawali tumatan dicanangkannya Sumpah pamuda, 28 Uktubir 1928, hagan manghindari kesan "imperialisme basa" apabila ngaran basa Melayu tatap digunakan.[3] Parusis ini manyababakan babidanya Bahasa Indonésia wayah ini matan varian basa Malayu nang diguna'akan di Riau maupun Samananjung Malaya. Hingga wayah ini, Bahasa Indonésia marupakan basa nang hidup, nang tarus mahasilakan kata-kata wastur, baik malalui panciptaan maupun panyarapan matan basa banua wan basa asing.

Walaupun dipahami wan dituturakan ulih labih matan 90% warga Indonésia, Bahasa Indonésia bukanlah basa uma bagi kabanyakan pamandirnya. Sapalih ganal warga Indonésia mangguna'akan salah asa matan 748 basa nang ada di Indonésia sabagai basa uma.[4] Pamandir Bahasa Indonésia rancak mangguna'akan versi sahari-hari (kolokial) wan/atawa mancampuradukakan lawan dialek Malayu lainnya atawa basa umanya. Walaupun damikian, Bahasa Indunisia diguna'akan bangat luas di paguruan-paguruan, di media massa, sastra, parangkat lunak, surat-manyurat rasmi, wan babagai forum publik lainnya,[5] sahingga kawalah diujarakan bahua Bahasa Indonésia diguna'akan ulih sabarataan warga Indunisia.

Fonologi dan tata basa Bahasa Indonésia dianggap relatif mudah.[6] Pandal-pandal nang panting hagan komunikasi dasar hingkat dipalajari wastu dalam kurun waktu babarapa minggu.[7]

Referensi[babak | sunting sumber]

  1. ^ Butir katalu Sumpah Pamuda, 28 Oktober 1928
  2. ^ Butir katalu Sumpah Pamuda, 28 Uktubir 1928
  3. ^ Asmadi T.D. Arti Tanggal 2 Mei bagi Bahasa Indunisia. Laman Lembaga Pers Dr. Sutomo. Edisi 08 Februari 2010. diakses 5 Maret 2010.
  4. ^ Depdiknas Terbitkan Peta Bahasa Blog BahasaKita 4 Maret 2009, mirror dari berita AntaraOnline edisi 22 Oktober 2008.
  5. ^ http://www.ohio.edu/LINGUISTICS/indonesian/index.html Why Indunisian is important to learn. Situs pengajaran basa Indunisia di Ohio State University.
  6. ^ Farber, Barry. J. How to learn any language quickly, enjoyably and on your own. Citadel Press. 1991.
  7. ^ Eliot, J., Bickersteth, J. Sumatra Handbook. Footprint. 2000.